Kesyon Moun Poze Souvan

Pou enfomasyon konsenan tes ou a, kontakte biwo ki te mandew fe tes la oubyen ki te fel la.  Kote ou rele pou COVID-19 la paka bay rezilta, yo paka di ou ekzateman kile oubyen kijan ou ka jwenn rezilta yo, oubyen pou few jwenn rezilta yo pi vit.

Depatman Sante Florida ap swiv enstriksyon CDC sou fason pou fè tès yo pou COVID-19 Sa vle di lè yon moun ale  nan klinik pwofesyonèl swen sante lokal li, y ap poze moun nan kesyon sa yo:

1. Èske ou te kontak sere avèk yon ka konfime COVID-19 epi èske ou gen kèk sentòm?
2. Èske ou abite nan yon zòn kote gen transmisyon konfime COVID-19 nan kominote a?
3. Èske ou gen maladi respiratwa san eksplikasyon ki egzije pou entène nan lopital?
4. Èske ou te vwayaje nan yon jewografik zòn ki afekte avèk transmisyon COVID-19nan dènye v14 jou yo epitou èske ou gen lafyèv oswa sentòm maladi respiratwa gòjèt enferyè?

Si ou reponn wi pou nenpòt nan kesyon yo, doktè a ap teste moun nan. Answit, yon moun kapab resevwa tès la selon desizyon pwofesyonèl swen sante lokal li si li pa satisfè kritè yo ki endike anwo a.

Depatman Sante Florida gen twa laboratwa ki louvri nan Jacksonville, Miami, ak Tampa ki pral kontinye opere pou bay rezilta tès yo san pèdi tan.

COVID-19 se yon maladi moun pran akòz yon kowonaviris yo pa t rekonèt anvan ki rele COVID-19. Pou jwenn plis enfòmasyon sou COVID-19, tanpri ale sou sitwèb:

https://www.cdc.gov/coronavirus/2019-ncov/index.html

https://www.who.int/westernpacific/emergencies/novel-coronavirus

Sa a se yon sitiyasyon k ap evolye vit epi evalyasyon risk la ka chanje chak jou. Pou jwenn dènye rapò sou sitiyasyon an nan lemonn tanpri ale sou sitwèb Òganizasyon Mondyal Sante (World Health Organization, WHO)    https://www.who.int/emergencies/diseases/novel-coronavirus-2019/situation-reports/. Dènye chanjman nan rezime sitiyasyon nasyonal la disponib nan paj sitwèb CDC COVID-19. Pou jwenn dènye enfòmasyon yo konsènan Florida, ale sou sitwèb Depatman Sante Florida Department of Health.

Sentòm sa yo ka parèt nan 2–14 jou apre yon moun te ekspoze nan viris la. Pasyan doktè konfime ki gen enfeksyon COVID-19 sanble te gen maladi respiratwa lejè ak sevè avèk sentòm:

• Lafyèv
• Tous
• Difikilte pou respire

Li kichòy sou SentòmCOVID-19 .

Depatman Sante Florida ap travay avèk patnè prive ak patnè; piblik yo pou  jwe yon wòl aktif nan pi bon siveyans pou maladi respiratwa ki ka se COVID-19. Epidemyolojis yo ki nan Depatman Sante Florida asosye avèk pwofesyonèl swen sante yo pou swiv nenpòt ka sispèk ki satisfè kritè pou COVID-19 pou fè aranjman pou fè tès yo lè li nesesè epitou kontwole kontak avèk ka konfime yo, si vin genyen.

Depatman Sante Florida kominike souvan avèk piblik la ak pwofesyonèl swen sante yo pou bay yo dènye enfòmasyon yo sou COVID-19 ak sou lòt maladi respiratwa yo. Sant Apèl pou COVID-19 disponib 24 èdtan pa jou ak 7 jou pa semèn nan nimewo 1-866-779-6121.

Pou wè dènye kontaj ka yo, tanpri ale sou sitwèbCOVD-19 Case Count.

Viris la pi ka soti okòmansman nan yon sous animal epi kounye a li sanble transmèt ant moun-ak-moun. Pou kounye a, COVID-19sanble ap simaye fasil ak yon fason dirab nan kominote a (“transmisyon nan kominote”) nan kèk zòn jewografik ki afekte. Transmisyon nan kominote vle di moun yo afekte avèk viris la nan yon zòn, tankou kèk moun ki pa byen konnen fason oswa kote ye te vin enfekte.

Non. Kowonaviris yo se yon gwo fanmi viris, kèk ladan yo lakòz maladi sou moun ak lòt yo k ap sikile pami bèt yo, tankou chamo, chat ak chovsouri. Nouvo COVID-19 ki fèk parèt la pa menm avèk kowonaviris ki lakòz Sendwòm Respiratwa Mwayennoryan (Middle East Respiratory Syndrome, MERS) oswa kowonaviris ki te lakòz Sendwòm Respiratwa Sevè (Severe Acute Respiratory Syndrome, SARD) nan ane 2003. Gen rechèch k ap fèt nan moman pou aprann plis bagay. Sa swe yon sitiyasyon k ap evolye rapid epi n ap modifye enfòmasyon yo lè yo vin disponib.

Menmsi viris la sanble soti nan yon sous animal, kounye a l ap simaye ant moun ak moun. Depatman Sante Florida ak CDC rekòmande pou moun ki vwayaje nan peyi Lachin pou yo evite bèt yo kit yo vivan oswa mouri, men pa gen rezon pou panse nenpòt bèt oswa bèt kay ki nan Etazini ta ka yon sous enfeksyon avèk nouvo kowonaviris sa a.

Pou kounye a pa gen vaksen pou evite maladi kowonaviris 2019 (COVID-19).  Pi bon fason pou evite maladi a se evite ekspoze nan viris la(epi evite ekspoze lòt moun).  Men kijan

• Pratike distans sosyal
• Mete yon mask twal nan figi ou lè ou nan piblik
• Lave men ou souvan
• Evite manyen zye, nen ak bouch ou.
• Kouvri tous ak lè w ap etènye
• Netwaye epi dezenfekte sifas “moun manyen anpil yo”

Gade plis enfòmasyon sou fason pou evite COVID-19 ak fason pou prepare pou li

Tan ant lè ou te ekspoze nan viris COVID-19 ak kòmansman sentòm rele peryòd enkibasyon.” Anjeneral Peryòd enkibasyon pou COVID-19 se 2 a 14 jou, menmsi li ka pran plis tan nan kèk ka.

Si w ap retounen soti nan yon zòn ki gen yon deklanchman COVID-19 CDC rekòmande ou pou mete ou an karantèn pou 14 jou imedyatman lè ou retounen nan vwayaj ou yo, menmsi ou pa gen pa sentòm. Si ou vin gen lafyèv ak sentòm maladi respiratwa, tankou tous oswa respirasyon kout pandan 14 jou yo kontakte pwofesyonèl swen sante ou epi mete li okouran dènye vwayaj ou. Pwofesyonèl swen sante ou ap travay avèk depatman sante konte ou pou detèmine si ou bezwen fè tès pou COVID-19. Si ou te gen kontak sere avèk yon moun ki montre sentòm sa yo epi ki te vwayaje dènyèman nan yon zòn ki afekte, ou ta dwe rele yon pwofesyonèl swen sante epi fè li konnen kontak sere ou ak dènye vwayaj li fe fè a.  Pou jwenn dènye avètisman sou vwayaj konsènan COVID-19, ale sou sitwèb: Avètisman sou Vwayaj nan Etazini ak enfòmasyon CDC pou Vwayaj.

Gen enfòmasyon pou moun ki te gen kontak sere avèk yon moun doktè konfime ki gen enfeksyon COVID-19 oswa evalye pou maladi a, ki disponib sou entènèt.

Pwofesyonèl swen sante ou ap travay avèk depatman sante konte ou pou detèmine si ou bezwen fè tès pou COVID-19.

Y ap pran twa echantiyon sou yon moun ki teste: nan bouch, nan nen ak krache. N ap bay echantiyon yo nan depatman sante konte a, k ap voye oswa livre yo nan laboratwa leta ki pi pre a. Si rezilta tès ki fèt avèk yon echantiyon pozitif, n ap idantifye li kòm ‘sipoze pozitif’, jiskaske rezilta a konfime nan Sant pou Kontwòl ak Prevansyon Maladi (Centers for Disease Control and Prevention, CDC).

Pou jwenn plis enfòmasyon sou tès COVID-19, gade Tès CDC yo pou COVID-19.

Pou moman an, pa gen vaksen ki disponib pou pwoteje moun kont COVID-19.

Pa gen tretman antiviral espesyal ki rekòmande pou enfeksyon COVID-19. Moun ki enfekte avèk COVID-19 ta dwe resevwa swen sipò  pou ede yo soulaje sentòm yo.
Jwenn plis enfòmasyon sou Tretman COVID-19.

Kantite tan viris la ap siviv pètèt depannde faktè yo. Kèk nan faktè sa yo kapab se kalite sibstans  oswa fliyid kò ki gen viris la ak anpil kalite kondisyon anviwònman an tankou tanperati oswa imidite. Chèchè yo ki nan Sant pou Kontwòl ak Prevansyon Maladi ak kèk lòt enstitisyon ap konsevwa eksperyans nòmalize pou mezire kantite tan COVID-19 kapab siviv nan sitiyasyon ki imite kondisyon anviwònman natirèl.

Pou kounye a, pa gen pwodui dezenfektan ki anrejistre avèk Ajans Pwoteksyon Anviwònman Etazini (US Environmental Protection Agency) pou itilize sou sifas anviwònman ki endike sitou kòm dezenfektan ki gen posiblite pou touye COVID-19. Men, viris asosye ki gen pwopriyete fizik ak pwopriyete byochimik sanblab kapab mouri avèk klowòks, amonyak, oswa alkòl, oswa ajan netwayaj ki gen nenpòt nan dezenfektan sa yo. Ou ta dwe itilize ajan netwayaj yo dapre enstriksyon manifakti a.

Pou dezenfeksyon gen yon lis pwodui ki gen nouvo patojèn viral ki gen apwobasyon Ajans Pwoteksyon Anviwònman Etazini (Environmental Protection Agency, EPA) epi ki antreteni nan Sant Komite Ameriken pou Chimi pou Konpozisyon Chimik Byosid (CBC)ki disponib sou sitwèb Novel Coronavirus (COVID-19) Fighting Products. Toujou swiv enstriksyon manifakti a pou tout pwodui netwayaj yo ak pwodui dezenfeksyon yo.

Toujou gen anpil enfòmasyon nou pa konnen sou nouvo  COVID-19 ki fèk parèt la ak fason li transmèt. Anjeneral, ka gen yon risk ki ba anpil pou transmisyon nan pwodui oswa anbalaj moun ekspedye sou yon peryòd jou oswa semèn nan tanperati nòmal. Anjeneral ekspè yo panse kowonaviris yo transmèt pi souvan nan goutlèt respiratwa yo. Pou kounye a pa gen prèv pou sipòte transmisyon COVID-19ki asosye avèk machandiz enpòte epitou pa t gen okenn ka COVID-19nan Etazini ki asosye avèk machandiz enpòte.

Dènye enstriksyon CDC yo konsènan vwayaj disponib la a: Enfòmasyon CDC sou Vwayaj

Dènye avètisman CDC yo konsènan vwayaj disponib la a: Avètisman sou Vwayaj nan Etazini.

Chak konpayi mete anplas règleman pa yo pou ranbousman, epi nenpòt desizyon konsènan ranbousman se ant vwayajè na ak konpayi endividyèl la.

Non. Eta Florida te pibliye yon dekrè egzekitif, k ap redui dansite ak foul moun nan restoran, kafe, nayklèb ak plaj, pou ralanti transmisyon COVID-19. Restriksyon sa yo endike anba dekrè egzekitif la:

• Kafe ak nayklèb ki toupatou nan Florida dwe rete fèmen pou pwochen 30 jou yo (gade plis enfòmasyon nan Depatman Jesyon Biznis ak Jesyon Pwofesyonèl Florida)
• Limite rasanbleman yo avèk pa plis pase 10 moun.
• Restoran yo gen obligasyon pou limite kliyan k ap antre yo a 50 pousan kantite yo kapab pran. Espas kote pou kliyan yo chita ta dwe epapiye ak limite pou asire kliyan ki chita yo separe avèk yon distans omwen sis pye, annakò avèk gid CDC.

Sant pou Kontwòl ak Prevansyon Maladi (Centers for Disease Control and Prevention) ak Òganizasyon  Mondyal Sante (World Health Organization)se bon jan sous enfòmasyon sou evolisyon epidemi sa a.

Ou kapab ale sou sitwèb yo la a:
https://www.cdc.gov/coronavirus/2019-ncov/index.html
https://www.who.int/westernpacific/emergencies/novel-coronavirus

Pou jwenn sèten enfòmasyon sou Florida specific information, tanpri ale sou sitwèb Depatman Sante Florida:
http://www.floridahealth.gov/diseases-and-conditions/COVID-19/